Semella que, o tabaco cultivose por primeira vez nalgún lugar entre Perú e Ecuador e que alí fíxose o primero traballo de cultivo hai 5000 anos Bp. É sabido que nestas datas dábase un troco importante, íamos do Paleolítico ó Neolítico, xusto cando o potencial vicioso homo sapiens pasaba de nómada a agricultor gandeiro asentado. O seu primeiro cultivo ía facer desta planta Solanacea unha das máis importantes no seu desenvolvemento. Deste xeito, do paso dunha forma de vida a outra, ía facer que o tabaco se convertise e se defundise entre nós e se establecera pouco a pouco nun medio de uso e consumo do que nacería un mundo onírico e de ensoñación , ó mundo sobrenatural; nacerían os chamáns bruxos das comunidades. Desenvólvese unha complexa organización " relixiosa " descoñecida no mundo paleolítico. O lume e o fume era xa de antes, venerado, e chegabase a manexar o fume do tabaco como elemento de comunicación diviña, co mundo dos espíritus, a sociedade pasaba a rexirse polos criterios dos bruxos, homes-mediciña. Así, grazas á mediación dos chamáns, o tabaco e a resultante do seu fume íase convertir en espíritu aliado-benefactor que deixaba os seu poderes sobre o que caía, de xeito moi semellante ós ritos cristians de conversión do pan e viño na eucaristía. Neste contexto déuselle ó tabaco consideración de producto case diviño e, deu unha impronta de remdio case infalible contra todo tipo de males.
